Tips catan

Жыцьцёва важнае пачатковае разьмяшчэньне паселішчаў; трэба імкнуцца мець як мага больш рэсурсаў ў найчасьцейшых ліках — 5, 6, 8, 9 — ці разьмяшчаць паселішчы вакол аднолькавых рэсурсаў з такімі нумарамі, каб весьці унутраны/заморскі гандаль за патрэбныя рэсурсы. Аднак варта асьцерагацца збойцу, бо як ён усядзецца на вашай плітцы, дык не заробіце АНІЧОГА! Што ж да рэсурсаў, намагайцеся паставіць паселішчы так, каб мець усе 5 рэсурсаў, ці будуйце так, каб мець 4 рэсурсы і мяняцца імі на 5-ы.

ПАРТЫ: можа быць выгадна разьмясьціць адно з вашых паселішчаў у порце, бо дазволіць адразу ж рабіць заморскі гандаль, а не чакаць, пакуль ён збудуецца. АДНАК так варта рабіць толькі тады, калі порт стаіць паміж двума пліткамі, каб вы зараблялі рэсурсы зь іх абодвух, і нумары на гэтых плітках — адныя з найчасьцейшых (5, 6, 8, 9). Памятайце, што калі вы паставіце ў порце сваё другое паселішча, то на пачатак гульні атрымаеце толькі два гэтыя рэсурсы. Таксама ўлічыце, каб для порту здабывала рэсурсы вашае другое паселішча (напр. вашае першае паселішча стаіць у драўляным порце, тады першае ці другое паселішча мусіць мець выраб драўніны).

1. Як заняць пазыцыю:

(1). Мусіце заняць як мага больш плітак з нумарамі 5, 6, 8 і 9. Яны найчасьцей выпадаюць на цырках, сьледам ідуць 4 і 10.

(2). Займайце рэсурсы ў такім прыярытэце: збожжа > руда > драўніна = цэгла > воўна, дзе прыярытэт зьмяншаецца зьлева направа, з выняткам адмысловых партоў.

(3). Намагайцеся займаць парты, асабліва з абменам 3-на-1, альбо прынамсі адмысловыя парты.

Адмысловыя парты: калі гэтыя парты могуць заняць тры ці больш рэсурсаў аднаго віду і маюць два ці больш рэсурсаў зь лікамі высокай імавернасьці.

(4). Змагаючыся напачатку гульні зь іншымі гульцамі за пункты рэсурсаў, па магчымасьці намагайцеся вылічыць разьмеркаваньне ў іхніх руках рэсурсаў, каб скараціць страты, альбо рабеце ўсё ў адзін заход.

2. Як выкарыстоўваць рэсурсы:

(1). Вам часова можа бракаваць двух з гэтых трох рэсурсаў: воўна, драўніна і цэгла; дакладней, ня больш за два з гэтых рэсурсаў. Як мага хутчэй займіце порт 3-на-1, каб зьменшыць дэфіцыт рэсурсаў. У выпадку недахопу рэсурсаў гандлюйце найперш зь іншымі гульцамі, бо гэта нашмат таньней за заморскі гандаль, апрача пэўных пэрыядаў.

Пэўны пэрыяд: на раньніх этапах гульні, то бок пакуль усе гульцы не набралі больш за 4 пункты, каб пазбавіць іх атрыманьня добрых рэсурсных пунктаў, ня варта праводзіць зь імі ключавыя ўгоды. У сярэдзіне і ў апошніх стадыях гульні, то бок калі сярэдні вынік гульцоў большы ці роўны 5 пунктам, неабходна зьменшыць гандаль ключавых рэсурсаў і намагацца карыстацца марскім гандлем праз занятыя напачатку парты.

(2). Карыстайцеся здабытымі рэсурсамі рацыянальна. Набывайце карткі разьвіцьця > паляпшайце гарады > будуйце паселішчы <> будуйце дарогі. Прыярытэт зьмяншаецца зьлева направа. Калі неабходна захапіць рэсурсныя пункты, найперш будуйце дарогі. Калі неабходна павялічыць здабычу, аддавайце перавагу будаўніцтву вёсак. Карткі разьвіцьця ня толькі праганяюць збойцаў; яны могуць даць вам нечаканыя эфэкты.

(3). Намагайцеся, каб гандаль адбываўся на вашым ходзе, калі толькі гэта ня надта выгадны абмен, альбо вам надзвычай бракуе патрэбных рэсурсаў. Не забывайцеся кантраляваць колькасьць рэсурсаў, якімі вы валодаеце па сканчэньні гандлю ня ў свой ход. У канцы свайго ходу намагайцеся пакідаць на руках менш за пяць рэсурсаў, за выняткам асаблівых выпадкаў.

Асаблівы выпадак: калі кожны гулец мае 2—3 рэсурсы, астатніх бракуе, так што немагчыма будавацца ці мяняцца праз порт, і ніхто не жадае гандляваць, можна пакінуць гэтыя рэсурсы да наступнага кола, але рызыка будзе надзвычай высокая. У гэты час бачная важнасьць будовы партоў.

3. Падрабязнае тлумачэньне картак разьвіцьця:

(1). Агулам у гульні 25 картак разьвіцьця, зь іх 14 картак рыцараў, 5 картак пунктаў перамогі і 6 функцыянальных. Функцыянальныя карткі ўлучаюць 2 карткі манаполій, 2 карткі будовы дзьвюх дарогаў і 2 карткі атрыманьня двух відаў рэсурсаў. Карткі пунктаў перамогі дапамогуць вам схаваць актуальны лік, унікнуць залішніх наездаў рыцараў і могуць нечакана прынесьці перамогу.

(2). Выкарыстаньне рыцараў: рыцары падобныя да выкіданьня 7 на цырках. Адрозьненьне ў тым, што рыцар ставіцца па жаданьні і можа быць выкліканы перад кіданьнем цырак, каб выключыць альбо вызваліць выраб пэўных рэсурсаў. І калі вы згуляеце трох рыцараў першымі, атрымаеце картку за найбольшае войска, вартую 2 пунктаў перамогі. Яны лішнімі ня будуць.

(3). Выкарыстаньне функцыянальных картак: карткі манаполіі варта выкарыстоўваць у сярэдзіне і канцы гульні, калі рэсурсаў багата, і эфэкт будзе надзвычай уражвальны. Можна зжыць іх і на раньняй стадыі, каб захапіць новыя рэсурсы ці пазбавіць іх супернікаў. Перад выкарыстаньнем зьвярніце ўвагу на хады іншых, каб запатрабаваць найбольш рэсурсаў. Карткі будаўніцтва двух дарогаў можна выкарыстаць для захопу рэсурсных плітак ці дзеля заканчэньня найдыўжэйшай дарогі ў сярэдзіне і канцы гульні. Яны надта нечаканыя. Набудзьце два любыя віды рэсурсных картак і здабудзьце недастатнія рэсурсы. Не карыстайцеся імі безь неабходнасьці. Такія карткі могуць прынесьці вам перамогу ў небясьпечных сытуацыях.

4. Як хутка атрымаць пункты перамогі:

(1). Зарабляйце пункты перамогі карткамі разьвіцьця. Гэта найпрасьцейшы і найкарацейшы шлях, да таго ж прыхаваны. Аднак, сабраўшы тры ці больш картак рыцараў, вы можаце здабыць прынамсі два пункты, і для гэтага дастаткова ўсяго дзевяці рэсурсаў, прычым толькі трох відаў. Яны часта паўтараюцца і лёгка здабываюцца. Акрамя таго, карткі рыцараў дапамогуць валодаць ініцыятавай на полі і дасягнуць эфэкту прыцісьненьня іншых гульцоў. Калі ласка, ужывайце іх абгрунтавана. Калі вы нечакана атрымалі картку з пунктамі ці з функцыяй, яна можа згуляць яшчэ больш нечаканую ролю. Варта адзначыць, што набытыя функцыянальнымі карткамі варта карыстацца як мага больш, калі іх можна выкарыстаць на зарабленьне пунктаў, акрамя асаблівых абставінаў.

Асаблівыя абставіны: калі неабходна прыціснуць іншых гульцоў ці пазмагацца за рэсурсныя пункты.

(2). Паселішчы і гарады — гэта базавая крыніца пунктаў перамогі. Варта разглядаць будаваньне паселішчаў і гарадоў не як самамэту ў гульні, але як спосаб выкарыстаньня залішніх рэсурсаў. Інакш кажучы, ня варта выкарыстоўваць занадта вялікую колькасьць рэсурсаў на захоп адзінага пункту, бо гэта мае надта малую рэнтабэльнасьць, апрача асаблівых выпадкаў.

Асаблівы выпадак: рэсурсныя пункты, якія мы намагаемся захапіць, у будучыні дадуць значную аддачу. Чым раней іх заняць, тым раней яны акупяцца. Значыць, на іхні захоп можна выдаткаваць болей рэсурсаў.

(3). Выкананьне дасягненьняў, то бок найбольшае войска ці найдаўжэйшая дарога. Пры гэтыя ня варта адразу ж будаваць найдаўжэйшую дарогу. Іншыя гульцы лёгка пераўзыйдуць здабыты такім чынам вынік. Трэба намагацца зрабіць гэта ў крытычны момант, каб іншыя гульцы не пасьпелі на яго адрэагаваць. Вядома, калі вы не валодаеце абсалютнай перавагай, якой не пагражае ніхто з супернікаў.

5. Практычныя ўменьні:

(1). Спаборнічаючы за той самы рэсурсны пункт, разьлічыце разьмеркаваньне рэсурсаў на руках суперніка і альбо адмоўцеся ад ідэі, альбо зрабеце ўсё за адзін заход.

(2). Калі на раньніх стадыях бракуе рэсурсаў, неабходна сачыць, хто мае залішак іх, каб прапанаваць яму ўгоду. Існуе высокая імавернасьць, што транзакцыя ўдасца.

(3). Купляючы больш картак разьвіцьця, вы зможаце кантраляваць сытуацыю і прыціскаць іншых, і нават дасягнуць нечаканай перамогі.

(4). У сярэдзіне і канцы гульні, калі першы гулец мае 5 пунктаў перамогі і валодае карткай разьвіцьця, сачыце і намагайцеся яго прыціскаць.

(5). Калі ў пачатку гульні вы плянуеце набываць карткі разьвіцьця і будаваць паселішчы, можаце хутка здабыць у адзін ход 4 пункты перамогі, а менавіта за найбольшае войска і найдаўжэйшую дарогу. Калі ўсё яшчэ можна будаваць паселішчы ці гарады і атрымліваць пункты перамогі з картак разьвіцьця, здабыты за адзін ход вынік можа быць яшчэ вышэйшы. Гэта залежыць ад першаснага плянаваньня будаўніцтва і набыцьця картак разьвіцьця, якія могуць прынесьці нечаканы для перамогі вынік.

(6). Прыярытэт прыцісканьня рыцарамі: на раньніх стадыях гульні, то бок пакуль гульцы не набралі больш за 4 пункты, варта намагацца прыціскаць гульцоў, якія змагаюцца з вамі за рэсурсныя пункты і тых, якія маюць найбольш пунктаў. У сярэдзіне і канцы гульні, то бок калі гулец набраў 5 пунктаў, варта прыціскаць лідэра. Ня мае сэнсу прыціскаць гульца, які адстае ў ліку, толькі з асабістых прычынаў ці прагі помсты. Гэта надзвычай нерацыянальныя паводзіны. Варта заўсёды памятаць, што ад самага пачатку гульні мы маем усяго адну мэту, і гэта мусіць быць на першым месцы.

(7). Які можна прыціснуць здабыцьцё пунктаў, калі яны аднолькавыя ці блізкія? Мяркуючы з патэнцыялу разьвіцьця, галоўнай задачай — прыціснуць гульца, які можа атрымаць картку найбольшага войска. Па-другое, параўнайце колькасьць картак разьвіцьця і займіцеся найперш прыцісканьнем гульцоў з большай колькасьцю картак. Па-трэцяе, паглядзіце на лікі, якія выкідаюць цыркі, і займіцеся найперш прыцісканьнем гульцоў, якія найбольш зарабілі ў апошнія хады. Па-чацьвертае, паглядзіце на мапу і займіцеся найперш прыцісканьнем гульцоў, якія могуць збудаваць найдаўжэйшую дарогу. Варта зазначыць, што гэтыя разважаньні абапертыя на патэнцыял разьвіцьця. У сапраўдным паядынку варта быць гнуткім з увагі на сытуацыю.

8) Унікайце апазыцыі будынкаў! На плітцы можна пабудаваць да 3 паселішчаў ці гарадоў, і ў ідэале вам варта да гэтага імкнуцца, каб збольшыць вытворчасьць. Таму, будуючы 2 паселішчы ці гарады на процілеглых канцах пліткі, вы ня зможаце разьмясьціць трэцяе, што абмяжуе прыбытак. Дык намагайцеся ўнікнуць такой сытуацыі.