Gamehelpsurvive

Мэта

Дапамажыце сваім 10 чалавечкам уцячы з вострава на адзін з чатырох кутоў вялікай зямлі. Гульня сканчаецца, калі ўсе чалавечкі здолелі ўцячы альбо адкрытыя тры вульканы. Пераможа гулец з найбольшай сумарнай вартасьцю ўратаваных чалавечкаў.

Гульнявы працэс

Кожны ход складаецца з трох фазаў — Дзеяньняў, Разводзьдзя й Істотаў.

Дзеяньне

Можаце выканаць тры дзеяньні: перамясьціць сваіх чалавечкаў, цэлы плыт, якім кіруеце вы, альбо пустыя платы.

Разводзьдзе

Пасьля сканчэньня дзеяньняў перагарніце плітку, якая сыходзіць пад ваду. Сьпярша сыходзяць пад ваду пустынныя пліткі. Калі такіх больш няма, пад ваду сыходзяць лясы. Апошнімі пад ваду сыходзяць горы.

Кожны раз падчас перакульваньня пліткі вы альбо выклікаеце істоту, альбо атрымліваеце здольнасьць. Здольнасьці можна гуляць у любы момант свайго ходу.

Здольнасьці могуць, напрыклад, перасунуць плыт ці плыўца на 1—2 палі (бясплатнае дзеяньне), кінуць цырку істотаў, перамясьціць істоту ці выгнаць яе (напрыклад, калі яна на вас напала).

Істоты

Кіньце цырку істотаў. Маеце перамясьціць тую істоту, якая выпала на цырках (Марскі зьмей, Акула ці Гігант).

Канец гульні

Гульня сканчаецца, калі ўцяклі ўсе чалавечкі альбо адкрыты 3-і вулькан. Тыя вандроўнікі, якія пасьля адкрыцьця 3-га вулькану засталіся на дошцы, не даюць пунктаў. Перамагае гулец з найбольшай вартасьцю сабраных скарбаў. Калі такіх гульцоў некалькі, то дзеляць перамогу.

Істоты

Марскі зьмей

Рух

1 водная плітка

Узаемадзеяньне

Здымае плыты і чалавечкаў (у тым ліку плыўцоў).

Акула

Рух

1 ці 2 водныя пліткі

Узаемадзеяньне

Здымае чалавечкаў-плыўцоў.

Гігант

Рух

1 ці 2 водныя і/або зямныя пліткі.

Узаемадзеяньне

Выдаляе плыты, рухае іншых істотаў паводле іхніх правілаў руху, выдаляе чалавечкаў. Можа разьдзяляць чалавечкаў.

Гіганты ня могуць стаяць на адной плітцы зь іншымі істотамі.

Пліткі

Пліткі з эфэктамі

Зялёная істота

Пакладзіце на гэтым месцы акулу. Калі ўсе акулы ўжо на дошцы, перамясьціце адну сюды.

Разьмеркаваньне плітак: ×3 Пляж, ×3 Лес

Сіняя істота

Пакладзіце на гэтым месцы гіганта. Калі ўсе гіганты ўжо на дошцы, перамясьціце аднаго сюды.

Разьмеркаваньне плітак: ×3 Пляж, ×2 Лес

Плыт

Пакладзіце на гэтым месцы плыт.

Разьмеркаваньне плітак: ×1 Пляж, ×3 Лес

Вір

Здыміце з дошкі ўсе элемэнты (вандроўнікаў, істоты і плыты) на гэтай плітцы і ўсіх суседніх водных.

Разьмеркаваньне плітак: ×2 Лес, ×4 Горы

Вулькан

Здыміце з дошкі ўсе элемэнты (вандроўнікі й істоты) на гэтай плітцы. Вулькан застаецца адкрытым, ягоная плітка болей недаступная. Напамін: калі адкрыты 3-і вулькан, гульня сканчаецца!

Разьмеркаваньне плітак: ×4 Горы

Пліткі са здольнасьцямі

Вёслы

Перасуньце пусты плыт альбо той, што пад вашым кіраваньнем, на 1 ці 2 пліткі.

Разьмеркаваньне плітак: ×2 Пляж.

Дэльфін

Перамясьціце свайго плыўца на 1 ці 2 водныя пліткі. Рух можна скончыць на зямлі або плыце.

Разьмеркаваньне плітак: ×3 Пляж, ×1 Лес.

Нырок

Перасуньце любую істоту на дошцы на пустую водную плітку.

Разьмеркаваньне плітак: ×2 Лес.

Цырка істотаў

Кіньце цырку і перасуньце адпаведную істоту паводле ейных правілаў руху.

Разьмеркаваньне плітак: ×2 Пляж, ×2 Лес.

Рэпэлент

Можаце скарыстацца гэтай здольнасьцю ў любы час, калі адзін з вашых вандроўнікаў трапляе на адно месца з акулай ці гігантам. Істота выдаляецца з дошкі.

Разьмеркаваньне плітак: ×2 Пляж, ×1 Лес.