Gamehelpspacelab

Мэта

Пераможцам становіцца гулец з найбольшай колькасьцю пунктаў у канцы.

Гульнявы працэс

На сваім ходзе вы робіце адно з 3 магчымых дзеяньняў. Увага: калі напачатку ходу вы маеце на руках 5 ці больш картак, мусіце разьмясьціць навукоўцаў.

1. Узяць карткі
   • Адкрыйце 3 верхнія карткі з навуковай тальлі
   • Абярыце адну агенцыю (колер) і вазьміце ўсе карткі гэтай агенцыі на руку
   • Рэшта картак касьмічных агенцый кладзецца ў Рэкруцкі цэнтар
2. Наняць
   • Абярыце адну агенцыю (колер) з Рэкруцкага цэнтру і вазьміце ўсе карткі гэтай агенцыі на руку
3. Згуляць карткі
   • Пакладзіце адну ці некалькі картак навукоўцаў на пустыя месцы лябараторыяў сваёй станцыі.
   • Мусіце аплаціць кошт кожнай карткі, скінуўшы з рукі адпаведную колькасьць картак
   • Бонусы разьмяшчэньня ў лябараторыях:
     • Верхні шэраг (над кабінай): адразу вазьміце столькі картак праектаў, колька каштуе пакладзеная картка. Абярыце адзін праект, рэшту адкладзіце ўніз тальлі праектаў.
     • Ніжні шэраг (пад кабінай): калі картка лябараторнай спэцыялізацыі адпавядае плітцы мэты кабіны, спрацоўвае эфэкт, пазначаны на плітцы мэты.

Асноўныя паняцьці

Кабіны & лябараторыі

Вашая станцыя будуецца вакол трох кабінаў.

Лябараторыі разьмяшчаюцца побач з кабінамі і могуць узаемадзеяць з суседнімі карткамі.

Кожная кабіна мае плітку мэты, пазначаную 3 пажаданымі агенцыямі ў прылеглых лябараторыях.

Выкананьне мэты прыносіць вам разгонную плітку, якая кладзецца на плітку вашай мэты.

Агенцыі

Кожная навуковая картка зьвязаная з адной з 4 касьмічных агенцыяў (колер).

Набіраючы/наймаючы, вы заўсёды берацё усе карткі адпаведнай агенцыі.

Асаблівасьці

Кожная навуковая картка мае адну з 4 уласьцівасьцей (іконка)

Праекты

Карткі праектаў маюць лік пунктаў, якія прыносяць у канцы гульні. Яны могуць залежаць ад колькасьці агенцыяў, асаблівасьцей ці прыдатных праектаў.

Карткі праектаў хаваюцца і паказваюцца іншым гульцам толькі ў канцы.

Канец гульні

Гульня сканчаецца пры выкананьні адной з умоваў:

• Вы склалі сваю 3-ю, апошнюю мэту;
• Вы згулялі сваю 10-ю навуковую картку.

Іншыя гульцы могуць выкласьці рэштку навуковых картак з рукі (пры выкананьні ўмоваў).

Падлік

Гульцы атрымліваюць пункты за:

1. Навуковыя карткі
2. Разгонныя пліткі
3. Карткі праектаў

Перамагае гулец з найбольшым вынікам. Калі некалькі гульцоў мае аднолькавы вынік, перамагае гулец з найбольшай колькасьцю картак праектаў. Калі іх некалькі, тады перамагаюць усе такія гульцы.