Gamehelpregicide

Гульцы разам спрабуюць перамагчы дванаццацёх манархаў: найперш ніжнікаў, пасьля краляў і ўрэшце каралёў.

Падрыхтоўка

Для 1—4 гульцоў раздайце па 8—5 картаў адпаведна.

Гульцы	Блазны	Рука
1	0	8
2	0	7
3	1	6
4	2	5

Манархі

Ніжнікі маюць 10 атакі і 20 здароўя.

Кралі маюць 15 атакі і 30 здароўя.

Каралі маюць 20 атакі і 40 здароўя.

Фарба манарха касуе дзеяньне эфэкту картаў такога ж колеру.

Хада гульца

1. Згуляць…

- згуляць 1 карту; альбо

- згуляць аса зь іншай картай (але асаў можна гуляць і саміх); альбо

- згуляць некалькі картаў аднолькавых вочак (акрамя асаў), каб іхняя сума не перавышала 10.

2. Выканаць эфэкты фарбы згуляных картаў (калі фарба супадае з фарбай манарха, то эфэкт не спрацоўвае):

- ♥️ Чырвы: дакласьці з скіду ў тальлю набору столькі картаў, колькі вочак на згулянай карце (то бок 4 чырвы дазваляюць дакласьці 4 карты).

- ♦️ Звонкі: усе гульцы па чарзе дабіраюць на руку карты да максымальнага пачатковага значэньня.

- ♣️ Жолудзі: манарх атрымлівае падвойную шкоду.

- ♠️ Віны: атака манарха зьмяншаецца на колькасьць вочак на згулянай карце.

3. Учыніць шкоду манарху, роўную агульнай вартасьці згуляных картаў. Калі сума вочак большая за здароўе манарха, ён пераможаны, ягоная карта адкладаная ў скід. Пасьля гэтага той самы гулец выцягвае з замку новага манарха і працягвае гульню.

4. Калі манарх яшчэ жывы, то атакуе гульца; маеце скінуць карты вартасьцю ня меншай, чым ягоная атака.

Іншае

Дапаможныя жывёлы — гэта карты асаў. Яны маюць 1 атаку і абарону. Аднак іх можна гуляць у спалучэньні зь іншай картай, і эфэкты абодвух картаў будуць спалучаныя (калі фарбы розныя): напрыклад, гуляючы 8 звонак з дапаможнай жывёлай (асам) жолудзяў, атрымліваеце атаку 9, дабіраеце 9 картаў і ўчыняеце 18 шкоды.

Блазны — маюць атаку 0, але могуць скасаваць фарбу манарха, а таксама не даюць яму атакаваць гульца. Акрамя таго, актыўны гулец выбірае, хто будзе гуляць наступным, а не перадае ход па стрэлцы.

Дакладная шкода — калі манарх забіты з дакладнай колькасьцю пунктаў (напрыклад, заставалася 3 жыцьці, і вы паклалаі карту 3), ягоная карта адкладаецца ня ў скід, а наверх тальлі шынка (тварам долу, будзе выцягнутая наступнай).

Манархі-хаўрусьнікі — узяўшы на руку, можаце гуляць імі з такім самым значэньнем атакі (10, 15 і 20 адпаведна для ніжнікаў, краляў і каралёў) альбо адбіць атаку манарха.

Саступка — гулец можа саступіць (прапусьціць ход), не гуляючы карты і адразу пераходзячы да 4-га кроку. У сольнай гульні такая магчымасьць адсутнічае; у гульні зь некалькімі ўдзельнікамі ўсе гульцы ў адным коле ня могуць саступаць.

Скіданьне — карты скідаюцца толькі пасьля перамогі над манархам.

Абмежаваная размова — гульцы ня могуць падказваць іншым нічога, што магло б навесьці іншых на карты, якія вы маеце ў руках. Можна проста нагадаць адкрытую інфармацыю, напрыклад, колькі вы маеце картаў на руках, колькі засталося ў шынку і пад.

- Прыклады дазволенага абмеркаваньня: „У мяне засталося дзьве карты“, „У шынку засталіся ўсяго 3 карты!“

- Прыклады недазволенага абмеркаваньня: „Маю дзясятку жалудоў“, „Можа хтосьці зайграе звонку?“, „Калі ты згуляеш чырву, тады я дам усім набраць картаў на руку“, „Не забівайце гэтага, пакіньце мне!“

- Вынятак з блазнам: пасьля гуляньня блазна, каб абраць наступнага гульца, іншыя гульцы могуць вам падказаць „Я б хацеў згуляць“ альбо „Я б лепей не гуляў“ (на BGA для гэтага прадугледжаныя кнопкі выбару).

Канец гульні

Гульня сканчаецца:

Перамогай — калі забіты апошні кароль.

Паразай — калі гулец ня можа адбіць атаку манарха ці згуляць карту, а таксама саступіць ход (у сольнай гульні альбо калі ўсе іншыя гульцы саступілі).

Сольная гульня

Гульня ідзе як звычайна, толькі побач кладуцца два блазны. Вы атрымліваеце на руку 8 картаў. Пры патрэбе можаце згуляць аднаго з блазнаў, каб задзейнічаць эфэкт: „Скіньце карты з рукі і набярыце 8 новых“. Пры гэтым выкарыстаньні блазна не касуецца імунітэт фарбы манарха. Блазнаў гуляць можна: а) у пачатку 1-га этапу перад згуляньнем карты; б) у пачатку 4-га этапу перад атрыманьнем шкоды. Калі вы пераможаце з выкарыстаньнем абодвух блазнаў, атрымліваеце бронзавую перамогу; з выкарыстаньнем 1 блазна — срэбную; бяз блазнаў — няўлоўную залатую!