Gamehelpflipsevenwithavengeance

Агляд

Перагарні 7: Напоўніцу — „азартная“ гульня, чымсьці падобная да блэкджэку, але з захапляльнымі зьменамі і дзеяньнямі, якія можна рабіць супраць іншых. Мэта гульні — набраць 200 пунктаў картамі (кожная карта мае сваю вартасьць), але калі трапіцца дубаль, то вы правальваецеся і выбываеце з кола. Калі зможаце перагарнуць 7 (адкрыць сем розных нумарных картаў), заробіце 15 дадатковых пунктаў і скончыце кола.

Тальля

У тальлі 108 картаў.

Нумарныя карты

Большасьць картаў — нумарныя вартасьцю ад 0 да 13. Трынаццаткі — 13 карты, дванаццаткі — 12, адзінаццаткі — 11 і г. д. да адзінкі — 1 карты. Яшчэ ёсьць адна 0 карта. Заўважце, што чым даражэйшая карта, тым больш такіх у тальлі.

Некаторыя нумарныя карты асаблівыя.

• Нуль: ваш лік абнуляецца, хіба што зможаце перагарнуць 7. На сваім ходзе мусіце цягнуць карты. Карта 0 улічваецца ў падліку 7 картаў.
• Шчасьлівая 13: можаце ўзяць другую 13 без правалу. Але калі выцягнеце трэцюю, тады ўжо праваліцеся.
• Нешчасьлівая 7: скіньце ўсе іншыя нумарныя карты і мадыфікатары, апрача 7. Яна вартая 7.

Карты дзеяньня

У тальлі ёсьць чатыры віды картаў дзеяньня (агулам дзесяць). Гулец, які выцягне такую карту, мае выбраць гульца (можна і сябе), каму яе дасьць.

• Яшчэ толькі адна: гулец вымушаны ўзяць апошнюю карту і прапусьціць. Ён атрымае пункты за ўзятыя карты.
• Перагарні чатыры: гулец вымушаны ўзяць чатыры карты. Калі пры гэтым трапіцца дубаль, тады правальваецца. Калі выцягне карту дзеяньня, то сьпярша скончыць выцягваньне ўсіх чатырох, а пасьля выконвае дзеяньне.
• Скінуць: скідае карту любога гульца.
• Скрасьці: забярыце карту ў любога гульца, які яшчэ гуляе (не праваліўся).
• Памяняцца: памяняйце дзьве карты двух любых гульцоў, якія шчэ гуляюць (не праваліліся). Не абавязкова выбіраць сябе.

Мадыфікатары

Гэтыя карты можна гуляць на тых, хто яшчэ не праваліўся. Калі вы адзіны такі гулец, дык мусіце гуляць на сябе. Гэтыя карты адымаюць пункты, ня ўлічваюцца для перагортваньня 7 ці правалу і ня могуць зрабіць вынік адмоўным. У тальлі па адной такой карце: -2, -4, -6, -8, -10 і адно дзяленьне ÷2

Гульнявы працэс

Напачатку кола кожны гулец атрымлівае па адной карце. Пасьля па чарзе кожны вырашае, цягнуць (браць карту) ці спыніцца (ня браць картаў і назапасіць пункты ў суме вашых адкрытых картаў).

Калі цягнеце і выцягнеце дубаль адной з ужо адкрытых вамі раней нумарных картаў (не мадыфікатараў), то правальваецеся. Гэта значыць, што выбываеце з кола і заробіце нуль пунктаў.

Кола сканчаецца, калі ўсе вырашылі спыніцца або праваліліся.

Калі здолееце перагарнуць 7 розных картаў, кола аўтаматычна сканчаецца. Кожны з гульцоў, якія не праваліліся, атрымлівае свае пункты, а вы дадатковыя 15 пунктаў.

Канец гульні

Гульня сканчаецца, калі хоць адзін з гульцоў нябярэ 200 points. Калі такіх некалькі, то перамагае той, хто набраў найбольш.

Варыянты

Жорсткі рэжым

Мае такія адрозьненьні:

• Ваш вынік кола можа быць адмоўным.
• Мадыфікатары могуць быць ужытыя на любога гульца, нават выбітага.
• Перагарнуўшы 7, можаце ці ўзяць 15 пунктаў сабе (як звычайна), ці адняць 15 пунктаў у іншага гульца.