Gamehelprummy

Гуляем з стандартнай 52-картавай тальляй (бяз джокераў).

У гульні на дваіх кожны атрымлівае па 13 картаў, на траіх-чацьвярых — па 7.

Дабор

У пачатку кожнага ходу гулец можа:

• Узяць карту з тальлі (не паказваючы)
• Узяць верхнюю карту з тальлі скіду. На гэтым ходзе яе скідаць нельга.

У Рамі-500 („расьцярушаная тальля скіду“) існуе яшчэ адзін варыянт:

• Узяць любую ніжэйшую карту з тальлі скіду і ўсе карткі над ёй. Найніжэйшую ўзятую карту трэба згуляць неадкладна: альбо выкласьціся, альбо дадаць да ўжо выкладзенага набору.

Калі тальля скончылася, а гулец ня хоча барць карту са скіду, то можа скончыць кола.

Хада гульні

На сваім ходзе можна выканаць колькі заўгодна такіх дзеяньняў:

• Выкласьці тры ці болей пасьлядоўных картаў аднае фарбы;
• Выкласьці тры ці чатыры карты аднолькавага значэньня;
• Дадаць (дакласьці) карту да набору. Пасьля гэтага набор мусіць заставацца карэктным.

Калі пасьля гэтага на руках яшчэ засталіся карты, адну зь іх трэба адкласьці ў тальлю скіду.

У рамі-500 асы могуць мець як найменшую, так і найбольшую вартасьць („унівэрсальныя асы“), у звычайным рамі („малыя асы“) — заўсёды найменшую.

З уключаным варыянтам „абмежаваньне выкладаньня/дадаваньня“ выкладацца можна толькі раз на ход, а дадаваць карты да існых набораў можна толькі пасьля хаця б аднаго выкладаньня.

Падлік

Вартасьць картаў:

• 2—9: як адпаведная лічба, альбо заўсёды 5 пунктаў з выбраным варыянтам „просты падлік“
• 10, валет, дама, кароль: 10 пунктаў
• Ас: унівэрсальныя асы вартыя 15 пунктаў альбо 1, калі выкарыстаныя як найніжэйшыя. Малыя асы заўсёды вартыя 1 пункту. Пры „простым падліку“ малыя асы вартыя 5 пунктаў, а не 1.

У рамі-500 („падлік выкладзеных - рука“) кожны гулец атрымлівае (сума значэньняў усіх выкладзеных/дададзеных картаў) - (сума значэньняў картак на руцэ).

У звычайным рамі („дадатны падлік“) пераможца кола (з найменшым значэньнем картаў на руках) атрымлівае суму ўсіх значэньняў картаў на руках усіх астатніх.

Калі кола сканчаецца вычарпаньнем тальлі, сума значэньняў картаў з рукі пераможцы адымаецца ад значэньняў картаў усіх астатніх гульцоў. Калі пераможцаў некалькі, то яны дзеляць перамогу.

Пры ўключаным „адмоўным падліку“ кожны гулец атрымлівае штрафныя пункты, роўныя суме значэньняў картак на руках.

Гульня сканчаецца па дасягненьні вызначанага выніку.