Reverunce: Новая старонка: «== Гульнявы працэс == Гульня складаецца з тальлі і двух стосаў скіду. Кожны гулец мае карткі на руках і гульнявую зону перад сабой: гульцы атрымліваюць пункты як за згуляныя карткі, так і за карткі на руках. == Ход == === 1. Узяцьце === На выбар: * Узяць дзьве закр...»

2026-02-09T16:00:29Z

Новая старонка: «== Гульнявы працэс == Гульня складаецца з тальлі і двух стосаў скіду. Кожны гулец мае карткі на руках і гульнявую зону перад сабой: гульцы атрымліваюць пункты як за згуляныя карткі, так і за карткі на руках. == Ход == === 1. Узяцьце === На выбар: * Узяць дзьве закр...»

Новая старонка

== Гульнявы працэс ==
Гульня складаецца з тальлі і двух стосаў скіду. Кожны гулец мае карткі на руках і гульнявую зону перад сабой: гульцы атрымліваюць пункты як за згуляныя карткі, так і за карткі на руках.

== Ход ==
=== 1. Узяцьце ===
На выбар:

* Узяць дзьве закрытыя карткі зь верху тальлі, адну ўзяць на руку, а другую адкласьці ў адзін са стосаў скідаў (калі адзін зь іх пусты, абавязкова адкласьці ў яго)
* Узяць адкрытую картку зь любога стосу скіду

=== 2. Дуэт ===
Калі маеце на руках „дуэт“ картак, якія можна згуляць у пары, то можаце выкласьці іх на стол і выканаць эфэкт:

* '''Пара крабаў''': вазьміце любую картку на выбар з аднаго са стосаў скіду (не паказваючы супернікам)
* '''Пара чоўнаў''': зрабіце яшчэ адзін ход
* '''Пара рыбаў''': вазьміце картку з тальлі
* '''Акула + плывец''': скрадзіце любую картку з рукі іншага гульца

Кожны з дуэтаў варты 1 пункта, згуляны ён ці не.

=== 3. Абвестка ===
Калі цяпер вы маеце на картках сем ці больш пунктаў (як на рукох, так і на стале), можаце абвясьціць адно з двух:

* '''„Стоп“''': кола адразу сканчаецца, і ўсе гульцы падлічваюць свае пункты. Каляровы бонус не атрымлівае ніхто;
* '''„Апошні шанец“''': іншыя гульцы робяць яшчэ па адным ходзе. Такім чынам вы ставіце, што ніхто не набярэ больш за вас пунктаў. Стаўка разглядаецца такім чынам:
** Калі ніхто не набраў больш пунктаў, то гулец, які рабіў стаўку, атрымлівае ўсе пункты ''плюс'' каляровы бонус. Іншыя гульцы атрымліваюць толькі свае каляровыя бонусы;
** Калі хтосьці зь іншых гульцоў перабіў колькасьць пунктаў, то гулец, які рабіў стаўку, атрымлівае ''толькі'' свой каляровы бонус, а ўсе іншыя гульцы — свае заробленыя пункты.

(Каляровы бонус гульца — гэта колькасьць картак выбранага колеру).

Асаблівы выпадак: Калі ў канцы ходу гульца тальля пустая, то кола адразу сканчаецца без падліку.

=== Канец гульні ===
Гульня для 2/3/4 гульцоў сканчаецца, калі першых зь іх набярэ 40/35/30 пунктаў. Перамагае гулец з найбольшай колькасьцю пунктаў. У выпадку роўнасьці перамагае гулец з найбольшым вынікам у апошнім коле. Гулец, які сабраў на руках 4 русалкі, перамагае адразу.

== Сьпіс картак ==
'''Тып''' ''(напісаны дробным шрыфтам зьлева ўнізе карткі ў панэлі дапамогі)''

* ×9 крабаў
* ×8 чоўнаў
* ×7 рыбаў
* ×5 акулаў + ×5 плыўцоў
* ×4 русалкі — 1 пункт за кожную картку выбранага колеру. Калі русалак некалькі, кожны раз трэба выбіраць іншы колер.
* ×6 ракушак — даюць 0/2/4/6/8/10 пунктаў за сабраныя 1/2/3/4/5/6 ракушак.
* ×5 васьміногаў — даюць 0/3/6/9/12 пунктаў за сабраныя 1/2/3/4/5 васьміногаў.
* ×3 пінгвіны — даюць 1/3/5 пункты за сабраныя 1/2/3 пінгвінаў.
* ×2 маракі — даюць 0/5 пунктаў за сабраныя 1/2 маракоў.
* ×1 маяк — 1 пункт за кожны човен.
* ×1 касяк рыбаў — 1 пункт за кожную рыбу.
* ×1 калёнія пінгвінаў — 2 пункты за кожнага пінгвіна.
* ×1 капітан — 3 пункты за кожнага марака.

'''Колеры''' ''(паказаныя ў дапаможніку колераў)''

* ×9 сініх
* ×9 блакітных
* ×8 чорных
* ×8 жоўтых
* ×6 зялёных
* ×4 белыя
* ×4 фіялетавыя
* ×4 шэрыя
* ×3 жоўтыя
* ×3 ружовыя
* ×1 аранжавыя

== Варыянты ==
=== Пашырэньне „Дадатковая соль“ ===
5 новых тыпаў картак:

* ×2 мэдузы — могуць утвараць дуэт з плыўцамі: іншыя гульцы могуць выцягнуць на наступным ходзе толькі адну картку тальлі, не гуляючы дуэтаў ці абвестак.
* ×1 лобстар — могуць утвараць дуэт з крабамі: вазьміце картку на выбар зь 5 верхнім картак талькі, рэшту пакладзіце назад.
* ×1 касяк крабаў — 1 пункт за краба.
* ×3 марскія зоркі — могуць утвараць трыё зь любым дуэтам: +2 пункты, але эфэкт дуэта не выконваецца.
* ×1 марскі канёк — лічыцца як 1 калекцыйная картка (васьміног, ракушка, пінгвін ці марак). Для задзеяньня неабходна мець прынамсі 1 картку адпаведнай калекцыі.

=== Двайныя пункты ===
Для сканчэньня гульні неабходная падвойная колькасьць пунктаў.

=== Пашырэньне „Дадатковы перац“ ===

Дадае 12 картак падзеяў. Яны зьмяняюць правілы гульні ў кожным коле.
Карткі падзеяў адкрываюцца ў пачатку кола і ўплываюць на ''ўсіх'' гульцоў у гэтым коле.

У канцы кола, пасьля падліку, карткі падзеяў атрымлівае гулец з найвышэйшым (трафэі з „+“) або найніжэйшым (трафэі з „-“) агульным вынікам. Гулец кладзе іх перад сабой, і іхні эфэкт уплывае ''толькі на іх''. У выпадку роўнасьці картка падзеі адкідаецца.
Гулец захоўвае карткі падзеяў да тае пары, пакуль мае найвышэйшы/найніжэйшы агульным вынік у канцы кола. Нельга мець больш за адну картку падзеяў; гулец мусіць выбраць адну.

'''Зьмены ў эфэкцэ дуэтаў'''
* Рак-пустэльнік (-): пара крабаў дазваляе ўзяць па адной картцы з кожнага стосу скіду.
* Месяц-рыба (-): пара рыбаў дазваляе ўзяць на руку дзьве верхнія карткі з тальлі.
* Воднае радэо (-): пара плыўцоў дазваляе падглядзець руку суперніка і памяняцца зь ім адной карткай. пара акулаў дазваляе скрасьці ў суперніка згуляную пару і пакласьці перад сабой (не выконваючы эфэкту). Заўвага: дуэты акула + плывец і плывец + мэдуза застаюцца дзейнічаць.

'''Зьмены ў падліку пунктаў'''
* Танец ракушак (-): кожная ракушка вартая 2 пункты (замест накапляльнага падліку).
* Кракен (+): кожны васьміног варты 1 пункта (замест накапляльнага падліку).
* Тарнада (+): русалкі не даюць пунктаў, але сабраньне 4 усё адно прыносіць імгненную перамогу.
* Танец русалак (-): гулец, які мае 3 русалкі (замест 4), перамагае адразу.

'''Зьмены ў правілах'''
* Куфар скарбаў (+): каб скончыць кола, трэба набраць 10 пунктаў (замест 7).
* Дыядон (+): вы ня можаце скончыць кола „стопам“, дазволены толькі „апошні шанец“.
* Скалярыя (-): у канцы ходу, калі ў абодвух стосах скіду ляжаць карткі аднаго колеру, вазьміце адну зь іх на руку.
* Дэльфіны (-): калі вы скідаеце калекцыйную картку (ракушка, васьміног, пінгвін, марак ці марскі канёк), вазьміце верхнюю картку з тальлі на руку.
* Каралавы рыф (-): можаце пакласьці перад сабой ракушку тварам уніз, каб абараніцца ад атакаў (акула/мэдуза + плывец, воднае радэо). Гэтая ракушка не прыносіць пунктаў.

Gamehelpseasaltpaper - Гісторыя версій